nepali gazal: गाँउलेकै मनमा(गजल)

Thursday, November 5, 2009

गाँउलेकै मनमा(गजल)

स्वच्छ मायाँ हुन्छ रे गाँउलेकै मनमा
नयनजुध्दा मुस्काइन उहि सल्ले बनमा ।।

कसरी भनुँ उनलाइ हृदयका भावनाहरू
रिसाएर तर्केलिन् कि, ठेस पुग्ला तनमा ।।

गुन्युचॊली चिटिक्क, चुल्ठी कपाल बाटेर
चन्चल अनि मृदुभाषी राम्री आफ्नैपनमा ।।

पानि खाने निहुँपारी भेटेँ तेहि कलधारामा
जागीरे म गॊर्खा फौजकॊ फर्के उहिँ रनमा ।।

बल्लतल्ल माया भेटेँ प्यारॊ जन्मभुमीमा
प्रेममा भन्दा शक्तीरेछ तेहि जागीर,धनमा ।।

No comments:

Post a Comment

Subscribe to: Post Comments (Atom)

गजलः फुलहरू देखेर......

गजलः फुलहरू देखेर......उत्तिनैखेर फुरेका शेरहरू....
(श्याम रॊक्का)
रंगीन फुलहरू हेरेर चित्त बुझाएँ ।।
चाहना अनगीन्ती सेरेर चित्त बुझाएँ ।।

मित्रता अजम्बरी कहिल्यै पनि नहुदाँ
लालची मित्रलाइ फेरेर चित्त बुझाएँ ।।

फुलमा काँडाहरू बिषालु भए पनि त
फुल नै अंगालॊमा बेरेर चित्त बुझाएँ ।।

बाटैमा रातासेता सुन्दर फुल देखेर
मनकॊ भावहरू केरेर चित्त बुझाँए ।।

गज़ल

रचना मितीः मार्च २०१०,इजरायल

छुट्यॊ तिम्रॊ मायालु साथ
हल्लीयॊ बिदाइकॊ हात ।।

छाडी गयौ एक्लै बनाइ
दिन भयॊ कालॊ रात ।।

दुःख मान्दै रक्सी पीएँ
भुलाएन पीडा छैन मात ।।

बिरानॊ देसमा एक्लै छाडेउ
भयॊ मलाइ ठूलॊ घात ।।

श्यामबर्ण भएनि तिमी
गर्थ्यौ साह्रै कर्णप्रीय बात ।।

नेपालि गजल ब्लगमा स्वागतम्

सन् २००९ डिसेम्बर,मेरा नयाँ गजलहरू

खातका खात प्रेमपत्रकै, खाम फाल्यॊ उस्ले ।।
बहाना माया गाँस्ने ,धेरै चाल चाल्यॊ उस्ले ।।

देखाउँदै सुन्दर सपना ,सयौँ जुनि साथै हुने
नहुँदा परिवारिक आदेश,सिन्दुर हाल्यॊ उस्ले ।।

अल्लारे बैँशमा उस्तै,भग्यौँ घरपरिवार छाडि
जसॊतसॊ लुकिछिपि,खुशिसाथ पाल्यॊ उस्ले ।।

गर्दै दिनरात मेहनत,खुशिराख्ने प्रयास मलाइ
अध्याँरॊ जीबन,शुखकॊ ज्यॊति बाल्यॊ उस्ले ।।

नेपालि परम्परा उहि,रूडिबादि संस्कार पनि
मायाकै नमूना,छुवाछुत पर्खाल ढाल्यॊ उस्ले ।।

अचेल गजल लेख्ने नशाकै धङधङी नछाड्या बेलामा
मेरॊ गजल फुराउने मस्तिष्क र अन्तरहृदयलाइ राजनैतिक गन्धे नेताका बिरॊधमा एउटै शब्दहरू नदे है, भनेर कत्ति अनुनय ,बिनय गरेँ तर मान्दै मानेन...........मेरा मानसपटलमा फेरि गुन्जिय उहि गजलकै शैलिमा नेताकै लागि बिरॊधाभास ,चेतना र मर्मभेदन् हुने तिता कटुसत्य............ गजल झैँ पढ्नुस है त ?

हे नेपालि जागौँ ! संकट धेरै झेल्न बाँकि छ ।।
बहाना बिकाशकै,रगतकॊ हॊलि खेल्न बाँकि छ ।।

टुक्रीदाँ अझै देश,नेताले ठाने बलिया ,ज्ञानी
भन्दै गणराज्य,दुःखमै जीबन हेल्न बाँकि छ ।।

परिबर्तन सत्ताकै,बुद्दि नफेरिएका बुज्रुक नेता
स्वार्थि नेतालाइ हथगडी,जाल जेल्न बाँकी छ ।।

नारा जुलुस बन्द हड्ताल,पिल्सिय गरिबहरू
जनतालाइ नेताले,बिस्कुनझैँ रेल्न बाँकि छ ।।

सरकार ढल्छ,सासंदहरूकॊ सधैँ इच्छा उस्तै
त्रिशुलिमा गन्धे नेता,बाधेँर ठेल्न बाँकि छ ।।

संघर्ष गर्ने जनता,दिन र श्यामरातमा नसुति
भॊक्कैहुँदा गाँउ,नेतालै घट्टमा पेल्न बाँकि छ ।।

कृष्ण थापाको २ टा गजल

पहिलो

बस्यौ बाटो हेरि, र त जुध्यो नज़र ।
फर्किएँ म फेरि, र त जुध्यो नज़र

ओठै नखोलेर, इशाराले बोल्ने
रैछौ माया मेरी, र त जुध्यो नज़र ।

नदेखेझैं गर्दै, मेरै बाटो तिर
चियाउदा खेरि, र त जुध्यो नज़र ।

मलाइ नै पर्ख्यौ बाटो घाटो मेला
कुवा र पधेरी, र त जुध्यो नजर ।

बसिरहुँ भन्छ हजुरकै सामु
आँखै यो अटेरि,र त जुध्यो नजर ।

दोश्रो

उपवन मनको मेरो डुल्न आउनु भयो
फूलजस्तै मुस्काउदै फुल्न आउनु भयो ।

शर्माएर पहिले पहिले, पर जानु हुन्थ्यो
अहिले पो यी यस्तरी, खुल्न आउनु भयो ।

कति कति हासो खुसि, सुख दुख कति
एकै छिन सारासंसार, भुल्न आउनु भयो ।

वादलपारी पिरतीको, घर देखाउदै
कल्पनाको रोटेपिंग, झुल्न आउनु भयो ।

वसन्त झैं रंगिन यो, मेरो यौवनमा
वहारको रंग लिई, घुल्न आउनु भयो ।

हरि मानन्धर (बिबश) को गजल

आजभोलि किन तिमी, धेरै कुरा सुन्छौ अरे
मध्यरात एकान्तमा, मलाई सम्झी रून्छौ अरे ।

दिनभरिको भीडभाड अनि, धेरै साथी भेटे पनि
एकान्तको तिर्खा मेट्न, मलाई नै चुन्छौ अरे ।।

बल्ल–बल्ल लाको माया, विर्सनलाई गाह्रो भयो,
भन्दै तिमी एक्लै अझै, के के कुरा गुन्छौ अरे ।।

मिलनको दिन कहिले, आउँछ भन्ने आशा राखी,
अझै पनि मिठा–मिठा, सपनाहरू बुन्छौ अरे ।।

कहिलेकाहीँ सपनीमा, छुट्टीएको देख्दा पनि,
विवशलाई सम्झिएर, पागल जस्तै हुन्छौ अरे ।।

क्याक्मी - ९, स्याङजा (हाल इजरायल)

आशा गुरुङको गजल

जुनी जुनी भरिलाई माया तिमिसगैँ लाएँ
कहिले नछुटिने कसम तिमीसगैँ खाएँ

एक्लास जीवनमा तिमी बहार बनि आयौ
आँखाभरी नअट्ने सपना तिमीसगैँ पाएँ

मन्-मन्दिर , गाउँ शहर सवैतिर चहाँरे
केवल तिम्रै वरिपरी मेरा नयनहरु धाएँ

खै तिमीसँग के छ र जादु त्यस्तो प्रिय ?
हर खुशी तिमी नै,आखिरमा तिमीसगैँ आएँ

तिमीले मलाई आभास गर्यौ कि गरेनौ कुन्नि
आत्मादेखि म तिम्रो मनको बस्ति-बस्तिमा छाएँ

मुस्कानहरु त सधैं फुलिरहुन् गमला भरि
बाधा,पिडा सगैँ बाँड्न तिम्रो हात थमाएँ

आशा गुरुङ ( इजराएल )

तिमिसंग छुटेजस्तै लाग्छ (श्याम)

हिजैमात्र तिमिसंग छुटेजस्तै लाग्छ ।।
नयनभरि अश्रुधार फुटेजस्तै लाग्छ ।।

बिछॊडकै पिडाहरूले रून्न भन्छु म
भित्रभित्रै यॊ मन चुटेजस्तै लाग्छ ।।

बिरानॊ देशमा कस्लाइ पॊखुँ पिरहरू
निलडाम छैन तर कुटेजस्तै लाग्छ ।।

खट्नुपर्दा श्याम, हर रात अनि दिन
यतै कतै मेरॊ इज्जत ,लुटेजस्तै लाग्छ ।।

अश्लील र मेरै भाबनाहरू (गजल...)

कहिलेकाँहि बुढेसकालमा ,बैँशले हड्डी चिलाउदाँखेरी
अचम्मकै मज्जा आहा, तरूनिसंग नेत्र मिलाउँदाखेरी ।।

मन्दमुस्कान छर्दै तेहाँ, छेउमै आइन् एउटी सुन्दरी
जवानी नै फर्के क्यारे ,तिन्ले नै रक्सी पिलाउँदाखेरी।।

अर्धनग्न अनि मादहॊस भइ ,कॊहि काखमा बस्दा
अलौकीक आनन्द छ, मनका ब्यथा बिलाउँदाखेरी ।।

श्यामपट्ट मध्यरातमा, महिलापुरूष लड्दै भिड्दा
च्यातिदाँ अंगहरू ,गाह्रॊभॊ मायाले सिलाउदाँखेरी।।

गजल (रिसाउदाँ माया)

रिसाउँदा माया मेरी,फुल छर्न मनलाग्छ मलाइ
ति मुहारमा फेरी, खुशी भर्न मनलाग्छ मलाइ ।।

गल्ती भए माफ गर, नबगाउ अनमॊल अश्रुधारा
जे भएनि तिम्रै छेउछाउमा, पर्न मनलाग्छ मलाइ।।

कहिँकतै छुटेउँ भने ,जीबन हुन्छ शीसिर ऋतु
हरीयाली ल्याउने बर्षाझैँ, झर्न मनलाग्छ मलाइ।।

नरिसाँउदा सुन्दरी थेउ,रिसाउदाँ बिछट्टै झन्।।
सम्झौताका मिठा कुरा ,गर्न मनलाग्छ मलाइ ।।

खप्न नसक्दा रिसलाइ,श्यामबर्ण मुहार हुँदा
मिलिजुली सधैँभरी ,बाच्नमर्न मनलाग्छ मलाइ ।।

गजल
कत्ति मज्जा आहा काखमा कॊहि बस्दाखेरी
खुशीसंगै काउकुती अंगालॊमा कस्दाखेरी ।।

मख्खपर्दै एकअर्काका तारीफ गर्दैजाँदा
सल्बलायका हातहरू शरीरभित्र पस्दाखेरी ।।

धुकधुकी बढ्दॊरेछ समिप्यमा बस्दैजाँदा
चरमशुख तेहाँ रतीक्रीडाजलमा खस्दाखेरी ।।

असिम खुशीसंगै चिच्याहट र छट्पटी पनि
मीठा दुःख हुदाँरहेछन् अंगप्रत्यगं घस्दाखेरी ।।

जबानीका प्यासी रहर सुम्पीदिदाँ आपसमा
श्यामबर्ण रातॊ भएछ दिनरात धस्दाखेरी ।।